ဇီးကုန်း-ဇွန်-၁၃-၂၀၁၉
မိုးယံ(VOM)
ပဲခူးတိုင်းသာယာဝတီခရိုင် ဇီးကုန်းမြို့နယ်မှာမြို့နယ်သမဝါယမအသင်းစုကထုတ်ချေးတဲ့မွေးမြူရေးသမချေးငွေဆပ်ဖို့နှစ်ဆင့်တိုးပေးနေရလို့ဒေသခံပြည်သူတွေခက်ခဲနေတယ်လို့ ချေးယူထားသူတွေဆီက သိရပါတယ်။
“ကျမယောကျာင်္းကမြို့နယ်သမဝါယမအသင်းစုကမွေးမြူရေးသမချေးငွေချေးထားတာပါ။ အခုသူဆုံးသွားတာနှစ်နှစ်ရှိပါပြီ။ကျမဆက်ပြီးဆပ်ပေးရပါတယ်။ ဆပ်တဲ့အခါအရင်းပြန်မဆပ်နိုင်လို့ရပ်ကွက်ထဲကငွေတိုးချေးတဲ့သူဆီက၁၀ကျပ်တိုးနဲ့ ချေးပြီးဆပ်ရပါတယ်။ သမဝါယမအသင်းကိုလည်းစုငွေတစ်သောင်းအတိုးဒီဘက်မှာလည်းငွေရှင်ကိုတစ်ဆယ်တိုးပေးရတာဆိုတော့နှစ်ဆင့်တိုးပေးနေရတယ်လို့´ဒေါ်အေးဝင်း ကပြောပါတယ်။
သမချေးငွေကို၂၀၁၃ခုနှစ်ကစပြီးတရုတ်နိုင်ငံChina Exam Bank ကဆင်းရဲနွမ်းပါးမှုလျော့ချရေးအစီအစဉ်တစ်ရပ်အနေနဲ့တစ်နိုင်ငံလုံးဒေါ်လာသန်း၇၀၀ချေးခဲ့ပြီးအတိုးနှုန်းက၄.၅%လို့ဆိုပါတယ်။ လူတစ်ဦးကိုတစ်သိန်းကနေငါးသိန်းကျပ် အထိချေးပေးဖို့ညွှန်ကြားထားပါတယ်။
၂၀၁၅-၂၀၁၆ခုနှစ် မှာဒေါ်လာသန်း၄၀၀ထုတ်ချေးခဲ့ပြီးထုတ်ချေးတဲ့သက်တမ်းကဆယ်နှစ်စီမံကိန်းဖြစ်တယ်လို့သမအသင်းစုကပြောပါတယ်။
`ကျွန်တော် တို့ဇီးကုန်းမြို့နယ်အနေနဲ့စိုက်ပျိုးရေးမွေးမြူရေးအဖွဲ့၁၈၆ဖွဲ့ထုတ်ချေးထားပါတယ်။အသင်းသားဦးရေ တစ်သောင်းခန့်ရှိပါတယ် ။ အသင်းသားတစ်ယောက်ကိုဝင်ကြေး၅ထောင်စုကြေးတစ်သောင်းကောက်ပါတယ်၅ထောင်ကောက်ထားတာက၅၁၁သိန်းရှိပါတယ်ကျွန်တော်တို့သမဝါယမစည်းကမ်းအရအရင်းဆပ်ရပါတယ်အတိုးချည်းဘဲပေးလို့မရပါဘူးလို့”ဇီးကုန်းမြို့နယ် သမဝါယမအသင်းစုဥက္ကဋ္ဌ ဦးသန်းညွှန့်ကပြောပါတယ်။
သမချေးငွေကိုခြောက်လတစ်ကြိမ်ဆပ်ကြရပြီးအတိုးနဲ့စုငွေဆပ်နိုင်ပေမယ့် အရင်းမဆပ်နိုင်လို့နှစ်ဆင့်တိုးပေးနေရတဲ့အတွက် ဒေသခံပြည်သူတွေနစ်နာနေတယ်လို့အုပ်စုရာအိမ်မှူးတစ်ဦးကပြောပါတယ်။
ပြီးခဲ့တဲ့မေလ၁၄ရက်နေ့ကပဲခူးမြိုမှာဒုတိယညွှန်ကြားရေးမှုးချုပ်ဦးသောင်းနိုင်လာတုန်းကတော့ သမချေးငွေတွေကိုအသင်းသားတွေအရင်းမဆပ်ဘဲအတိုးသွင်းပြီးနောင်တစ်နှစ်ကြာမှအရင်းပေးဖို့ နဲ့ ကျေးရွာတွေမှာအတိုးကြီးတွေနဲ့ပြန်ချေးပြီးဆပ်နေရတဲ့အကြောင်းတွေ အထက်အဆင့်ကို အစီအရင်ခံစာတင်ပြထားတယ်လို့လည်းသိရပါတယ်။
#voiceofmyanmar #သမချေးငွေ #အတိုး၂ပြန်ပေး #သာယာဝတီ #ဇီးကုန်း
